Travel

沖繩 - 序

今次去沖繩, 其實無乜特別原因, 只係想搵個地方去個旅行..放下假..放鬆下咁, 點解揀沖繩..都係因為無都市o既氣味, 日日係香港樓又高...車又多...人又多... 其次就係有好靚o既海灘, 治安又比較好, 至於溝通就...唔好期望日本人識講英文, 不過佢地有用漢字, 起碼睇得明, 所以要自己四處去都問題不大, 決定左去沖繩之後就走去買機票, 原先係打算買自由行package..去到問時旅行社話無晒位, 咁就剩係買左張來回機票, 乜都等過到沖繩再算~

計劃今次o既旅程, 都有某d目的o既.. 主要就係想體驗下靠自己一個搞唔搞得惦, 當然唔係講緊日日邊到都唔去坐係酒店hea到走為止o個隻.. 係一個陌生地方, 無家人, 無朋友, 生活幾日, 又有某d地方一定要去.. 會遇到好多問題要解決, 而呢d問題係我地自己生活慣又熟識o既地方通常都會有人幫我地代勞或者根本就唔算係問題, 例如搵地方住咁啦..

Okinawa

最多朋友問o既問題都係"一個人唔悶咩"... 首先我本人絕對係喜歡熱鬧同朋友仔一齊玩, 另一方面我亦都唔係寄生生物, 短暫o既個人主義生活反而更加難得