第二日: 以色列

岩岩過hk time 12:00就開飯~~哈!!daddy就趁年初一派利是~~

對飛機餐一d期望都冇~~

點知今次又幾好食bor~~哈!!

"空中少爺"d普通話真係聽唔明ga~~

食飯果時佢同我講:"痴郁?lu郁?".....完全聽唔明....

結果佢用番英文問我:

"chicken or fish???"~~哈!!!

大家食完飯就訓~~我就睇戲,冇字幕所以唔係明哂~~

睇睇下阿"空中少爺"行埋黎問:"誰嘛???"=.="

我諗左陣:"講咩呀你???"

望一望佢拎住支水,先知佢問我要唔要水,

但係個腦轉唔切...已經"拎"左頭...其實好想飲水...超乾!!

不過睇完套戲,冇睇電視劇~~

因為其實我要訓下,聽日到台拉維夫就要搭一粒鐘去酒店,

放低d野就要食早餐,跟住就出發......

不過訓之前要寫下個手信list先~~哈!!!

結果2:xxam訓到4:30am(hk time),

見到播"extreme close up-jude law",睇左半粒鐘~~

之後又恰左陣~~好乾....要飲好多水.....

5:30am醒一醒~~終於播"wimbledon"喇!!!

ok喇~~係有d位悶囉....睇到7am又訓過~~哈!!!

8am食早餐~~(仍然係hk time~~)都幾多野食~~食完又訓~~哈!!!

醒一醒又做"extreme close up",

不過今次唔係jude law,而係"wimbledon"個男主角~~

睇左一陣都係頂唔住又訓過~~

香港時間10:xxam,亦即係當地時間4:xxam降落~~

今次起飛果時耳仔竟然冇痛過!!!!

不過令我降落果時鬆懈左....超痛......但又好快冇事bor~~

台拉維夫個機場好新囉~~幾靚!!!不過要兜好遠先到過關既地方~~

要填張form,咁就可以唔駛"給"印o係passport度~~

咁第時去其他阿拉伯國家就冇咁煩~~

又被"查問"超耐.....特別係頭幾個.......

拎完行李就出去lu~~~要o係度等人黎接我地~~

估唔到都唔少人o係呢個時候黎接機bor~~

唔小心地"偷影"左一張相

兜左個大圈終於met到張牧師喇!!

上旅遊巴既時間

係5:26am(以色列時間)

之前應該落左d雨~~

不過天氣都算幾舒服~~

又未至於好凍咁~~ok涼~~

沿路都燈火通明~~d街燈好密!!!

搭車上耶路撒冷~~唔係好訓到.....

因為張牧師播歌好大聲~~

(雖然幾好聽~~哈!!)

張牧師話新加坡+美國團尋日上橄欖山果時落雪囉~~

但係佢地唔係好夠衫~~所以好辛苦...

去到shalom hotel~~

上到房,擺低野,洗個面~~

聽昊sir講開電視睇下當地文化~~

結果我都睇唔出呢度係咩文化囉~~哈!!!

d節目都ok怪~~(呢個就係當地文化????)

跟住就要落去食早餐喇!!!因為已經7點幾......

join埋新加坡同美國團~~好耐冇見過鮑牧師同師母~~

好明顯佢地唔認得我~~哈!!

見到韓牧師個孫~~勁高=.="(對於一個14歲既o靚仔黎講......)

早餐d乳酪超好食!!!食左個桃味~~daddy試左個朱古力味~~話好好食~~

就同christina,瑞瑛share~~好好味囉!!!!

不過佢好似朱古力醬~~咁究竟係乳酪定朱古力醬呢???冇人知~~

上一上房再落lobby~~酒店既lift係冇閂門制ga!!!真係要學習忍耐囉!!!

第一站去哭牆~~~點知落雨囉...

岩岩食早餐見好好太陽,於是就上房擺低把遮...

跟住就要行過去金頂清真寺~勁大雨........

但係我地落車去哭牆之後就要晏晝3點幾先再上車...

爆凍囉>.<"

之後就行"苦傷路",

上次(十年前~哈)去都冇咁多個point可以入

今次多左站可以入去睇,入去影相~~

不過成團30人都幾煩...

要集齊人到下一個站都要搞好耐...

再加上今日好多遊客......

去到聖墓堂,

韓牧師,師母冇周圍睇,

主要o係樓下等~~

因為間church勁烏煙瘴氣!!!!

成間church有成幾個宗教教派管理,

有d教搞到好似泰國d廟咁......

有d又鬼死咁恐怖wor.......

結果之後集合唔見左韓牧師佢地......

搵左一輪都唔見,唯有我地去左食野果度先~~

幾好味bor~~

特別係d"薄餅"+"紅毛泥"!!!!

牛腩飯同個豆湯都ok~~哈!!

不過都仲未搵到韓牧師佢地....都幾擔心.....

打過返酒店又話冇見過佢地bor.....

之後就去"大衛博物塔"喇~~嘩!!好似art museum咁ga~~完全冇諗過囉!!!

以為淨係d歷史博物館咁~~入口盞黃色玻璃燈已經令我呆哂囉!!!

完全冇諗過會係咁ga!!!

入去睇一段14min既動畫短片~~大家都話張凳係舒服過搭飛機~~哈!!

結果.....緊係訓左喇~~哈!!!仲訓得好舒服tim!!=p

完場一開燈就醒lu~~ 周圍行,周圍睇,周圍影~~覺得好認真同好靚!!!

曾經用黎同香港比~~不過又覺得兩地背景太唔同又冇得比bor~~

***好多士兵/軍人都黎參觀!!!!

應該係岩岩入伍果d黎既~~好多好多都好型好靚仔囉!!!哈~~

一黎呢到就好覺gala~~通街都係好多靚仔ga!!!哈~~

o係度行街係一件非常賞心悅目既事!!!!

佢地d靚係會認得出佢地唔係美國人,又唔係歐洲d樣bor~~

唔知點形容~~總之男仔女仔都好靚!!!

參觀完仍然未搵到韓牧師佢地....

大家都幾擔心....

好彩韓牧師o係度都算熟路~~

如果唔係仲驚佢地有事....

跟住就去"花園塚"~~

終於見番韓牧師佢地喇!!!

原來佢地以為我地會去羅馬餐廳食野~~

(以前係會去~~)

所以去左搵我地~~點知我地食相類似既野~~

但係唔係去果間餐廳食囉.....

咁佢地知今日會去呢度~~所以黎左等我地~~

去左個位睇髑髏地~~睇左個墳墓~~

之後有個房俾我地聖餐~~

o係呢度終於投入多左~~

因為今朝o係"苦傷路"度都未投入到~~

可能太急掛~~

一去就行行行~~冇時間停低諗下~~

完左就去左間書局度睇野喇~~

不過竟然冇買到野bor~~

上車就訓.....

今晚去伯利恆一間中國餐館食"開年飯"~~

(join埋証主團,係張師母做導遊既~~)

去到勁暗囉間野....但係紅噹噹囉......

麻麻地好食....都唔係中國人開既.......

所有野都係用青椒煮.......我第一野俾佢陰到......

我諗住應該係燈籠椒唔辣gama~~

點知辣死>.<"""成餐飯都超辣..........

隔離証主團(新加坡+台灣人)玩得好興奮.....唱哂歌咁~~

我地就"支力"到死.....d野又唔好食......吽哂~~

淨係好想快d返酒店..............

我仲要同daddy,mami,張牧師師母同佢個仔一張檯~~

daddy仲要同旅行社個人傾野.......

結果好悶=.=""

7:45pm離開餐廳~~爆"支力".......

上車即刻訓番陣~~ 返到去梳洗完要執野.....

因為我地聽日就要轉酒店..........

睇下電視~~寫下野就訓lu~~

聽朝6am morning call.......

p.s.唔知點解今日個人好浮????